Recopilación dalgunhas imaxes da II Ruta Popular
Despois do subidón propios do día chega a calma, e con ela tempo para facer balance, anotar acertos, pero sobre todo prestar atención neses detalles que ben seguro pódense mellorar.
Agradecer a todas as persoas que contribuíron a que este domingo, en Sabucedo, puidésemos gozar dunha auténtica xornada de btt. Imposible poder facer mención a todas porque seguro alguén nos quedaría no tinteiro, pero non queremos deixar pasar a oportunidade de dar as grazas aos corredores, que nos brindaron un espectáculo coa súa entrega e esforzo, baleirándose por completo chegando exhaustos á liña de meta.
E que dicir dos socios da Peña ciclista Bikestrada, que grandes sodes!!! Nunca nos cansaremos de repetir que sen vós nada do que facemos sería posible, moitas grazas!!! 
???
Agradecer tamén a confianza depositada en nós ao TeamRelay, á Federación Galega de Ciclismo, o Excmo. Concello da Estrada, Helvetia seguros e a todas as empresas que nos apoian durante todo o ano.
E por último, mención especial para a
Asociación Rapa das Bestas, pola boa predisposición dende o primeiro momento, moitas grazas!!
Seguimos aprendendo...
Pese a que o tempo non era o ideal, déronse cita na Praza do Concello un montón de rapazes dispostos a disfrutar da bicicleta polos camiños estradenses.
Aquí vos deixamos unhas estampas dos cativos agardando o intre de sair a pedalear e encherse de lama e de diversión.
Non eramos moitos, pero aquí estamos, esperamos que en vindeiras convocatorias o tempo acompañe algo mais, e a xente se anime a unirse o grupo.
Os primeiros sábados dos meses de marzo, abril, maio e xuño, tódos aqueles que queirades compartir connosco unha tarde de puro Mountain Bike, non dubidedes en asistir connosco as nosas rutas populares. Non precisades ter un gran nivel físico, trátase de rutas de aprendizaxe e iniciación.
A idade mínima recomendada para participar nas rutas populares é de 16 anos.
A distancia a percorrer nas rutas populares é aproximadamente de 20 km.
Os máis peques tamén teñen cabida connosco, teremos as rutas infantís os segundos sábados dos meses de marzo, abril, maio e xuño.
A idade mínima recomendada para participar nestas rutas infantís é de 6 anos.
A distancia a percorrer nas rutas infantís, é aproximadamente de 8 km.
Ainda que teremos impresos de autorización no lugar de saída, podedes descargalos dende o seguinte enlace e traelos xa cubertos.
E preciso seguir unhas normas de cumprida obrigatoriedade:
- E Obrigatorio o uso do casco.
- Os menores de idade deberán ir acompañados dun adulto, ou no seu defecto contar ca autorización pertinente.
